Beautiful baby

عبقرية المصريين في سوق الجمعة (هل نصب واحتيال ؟)

عبقرية المصريين في سوق الجمعة (هل نصب واحتيال ؟)

بقلم — فتحى الباعورى :

هل عبقرية أم نصب واحتيال ؟
في سوق الجمعة كان فيه واحد فارش بيبيع قطع غيار كمبيوتر شكلها جديدة زي هارديسك ورامات وسيدي روم وغيرها، وكان عامل سعر موحد 20 جنيه تقريباً.

المهم كان بيبيع الحاجات دي ويقولك جربها عند الراجل اللي قدامي ده لو طلعت بايظة تعالى رجعها وخد فلوسك، وأصلا الراجل اللي قدامه ده تبعه بس عنده كهربا وجهاز كمبيوتر بيجرب عليه أي حاجة ب5 جنيه.

المهم الناس تشتري الحاجات شكلها فعلاً جديدة وتروح تجربها عند الراجل التاني تطلع بايظة!

يروحوا يرجعوها للتاني ياخدها منهم ويديهم فلوسهم، وكل مكسبهم من 5 جنيه التجربة، طبعًا دي خطة جهنمية ولا تخطر على بال إبليس؛ لأنها عبقرية من 3 جوانب:

الأول ان الشخص الأول كان صادق مع الناس وفعلاً اللي كان بيرجعله حاجة بياخدها ويرجع فلوسه.

والتاني إن الشخص اللي بيجرب مخدش اكتر من مقابل التجربة.

أما الاكتر من ده كله واللي حطم كل نظريات المحاسبة واللي عمره ما يخطر على بال أعظم المحاسبين في العالم هو تكوين معادلة محاسبية جديدة بتقول ان راس المال بيزيد رغم ثبات كمية وقيمة البضاعة!

وهي دي عبقرية المصريين 😅

شارك برأيك وأضف تعليق

Beautiful baby

أحدث التعليقات