Beautiful baby

نداء إنسانى عاااااااجل إلى من يهمه الأمر

نداء إنسانى عاااااااجل إلى من يهمه الأمر

كتبت /زينب الجندى
قضية بنت يتيمة مسكينة تربت فى دار ايتام بالعاشر من رمضان تعرضت للظلم بسبب اكتشافها فساد
ولم ترضى بهذا الفساد والظلم
اتمنى تكون هذة القضية قضية رأى عام اسرع وقت ..

البنت دي إسمها آيه سمير صبري بنت 17 سنه يتيمة ومتربية في دار نهر الحياة في العاشر من رمضان .. الدار دي يا سيدي دار سمعتها سيئة جدا وكان ليهم فيديوهات ضرب قبل كده انتشرت وبسببها الإدارة القديمة اترفدوا وتم تعيين إدارة جديدة .. آيه هي أكبر بنت موجوده فى الدار .. كل أخواتها اللى موجودين فى الدار هي المفروض بتاخد بالها منهم لانها أختهم الكبيرة ومسؤولة عنهم .. وعشان كده هي أخطر بنت بالنسبة للإدارة وأكتر بنت مكروهة منهم لانها مش صغيرة وفاهمة وشايفة اللى بيحصل فى الدار دايما قدامها

مديرة الدار الجديدة دايما بتتبلي عليها وتقول إنها مرشدة أو مخبرة للإدارة القديمة وبتنقلهم كل الأحداث والتفاصيل اللى بتحصل .. ودايما فى مشاكل بينهم وبين آيه .. لحد ما آيه قررت تثبت المخالقات اللى بتحصل

البنت صورت ناس من إدارة الدار وهما بيوزعوا الأكل المجاني اللي جاي لأطفال الدار .. بيبيعوه للمطاعم وبتوع الدليفري وبيعملوا سبوبة لطيفة كده تجيب لكل واحد فيهم كام الف في الايام الصعبة دي وأهي كلها بترزق

آيه بلغت النجدة وفعلا جم وحققوا فى الموضوع .. فإدارة الدار تتصرف إزاي فى الموضوع ده ؟ .. راحوا جابوا محامي محترم قالهم يعملوا بلاغات كيدية فى البنت وده الحل للي حصل .. يثبتوا انها وحشة فمفيش حاجة تتصدق منها والموضوع ينتهي ويموت

مديرة الدار الجديدة الفاضلة عملت 4 محاضر كيدية في بنت يتيمة عندها 17 سنة .. طب نتخيل مع بعض كده المحاضر الكيدية دي كانت ايه ؟

1 – إعتداء علي خصوصية الداروالبنات إخواتها فى الدار وإنها بتصورهم بالليل بملابسهم الداخلية .. ولما المباحث فتشت تليفونها ملقوش أى إثبات طبعا علي الكلام ده .. ومعني ان المباحث فتشت التليفون فتأكد انهم فتشوا كل جزء ممكن ومش ممكن يلاقوا فيه دليل علي أي حاجة سواء صور فيديوهات شات أي شئ .. مفيش ولا إثبات طبعا علي كلامهم لانه كله كلام كيدي مش أكتر

2- انها بتشرب مخدرات وبتاخد ترامادول ومعاها سلاح أبيض وكمان بتبيع مخدرات 😀 .. كل الكلام ده مكتوب فى المحضر فعلا لبنت عندها 17 سنه .. والمفروض ان البنت بتعمل تحليل مخدرات أصلا كل سنه بشكل دوري ومفيش ولا مرة تحليلها طلع إيجابي فى أى سنه من السنين . وهتلاقوا تحاليلها بتاع السنادي وبتاع السنين اللي فاتت وتحليل من مستشفي ابن سينا اتعمل بمعرفة المباحث نفسها أثبت برضه انها مبتربش أى نوع مخدرات

3- الدار اتهموها في عذريتها

4- وبلاغ رابع وانها حامل تخيلوا ؟

وطلع كله بلاغات كيدية بعد الكشف علي البنت وثبوت عذريتها والنتيجة في الصور برضه .. وفي صور لتحاليلها القديمة لانهم بيتعملهم تحليل بشكل دوري ومفيش ولا تحليل حتي طلع إيجابي لآيه في اي سنه منهم

طيب البنت دلوقتي لسه محبوسة حبس احتياطي .. ايوة بالظبط بنت 17 سنة يتيمة ومحبوسة حبس احتياطي في قضية بمحضر رقم 1205 لسنه 2020 ومسجونه بقالها اكتر من أسبوع .. الله أعلم ايه السبب أو ايه اللي منع خروجها بس أيا كان الأحداث. .. فاكيد اللي المفروض يحصل ان إدارة الدار القديمة والجديدة يكونوا هما اللي مكانها بيتحقق معاهم وبيناموا ع الارض وهي اللي نايمة في بيتها مبسوطة مش العكس

دي إدارات دور الأيتام اللي المفروض مسؤولين عن أكتر أطفال محتاجين حب ورعايه وتنشأه صح تعوضهم غياب أهلهم .. ياريت اي مسؤول في اي مكان يقدر يساعد في نهاية المهزلة دي وخروج البنت ميتاخرش .. آيه عيد ميلادها ال18 هيكون يوم 8/4 .. ياريت متقضيهوش في سجن

ده رقم أستاذ شريف المحامي بتاع البنت .. لو حد حابب يساعد أو يتواصل معاه 01015395455

شارك برأيك وأضف تعليق

Beautiful baby

أحدث التعليقات