Beautiful baby

الوصايا

الوصايا

بقلم — الشاعر مصطفى عصام :                                            أبويا قالي خلى بالك . . . هتكون وحيد لجل حالك وتعتمد على أموالك . . . بدون مساعدة من خالك قلتله يابوي منتا موجود . . . قالي أنا ليك مش مخلود هموت زي ما جيت مولود . . . ولكل إنسان عمر محدود قالي خلى سرك في بير . . . عشان اللى معندهمش ضمير تلاقيه خبيث وفي الفتنة خبير . . . متربى على يد حمير وخلى بالك من النساوين . . . دول يابوي مجانين وناقصين عقل و دين . . . بس تكسبهم بكلمتين حلوين فحسسهم بجمالهم وصونهم… وأوعاك في يوم تخونهم وإتجمل يوماتى في عيونهم… وإهرب لما يوصلوا لجنونهم وخلى بالك من الصحاب . . . ساعات يكونوا ليك أحباب لغاية لما يردموك بالتراب . . . وممكن يغدروا من غير أسباب وربى أبنك زين . . . وخلي عليه العين وابعده عن الفاسدين . . . وصحابه الشياطين وأوعاك تنسى فيوم ربك . . . خلى دايما حبه في قلبك وخلى دايما المصحف جمبك . . . هتلاقى ربك وسع رزقك وأياك في يوم تبقى مغرور . . . ده من أسوء الشرور وتوب لربك هو الغفور . . . وأحمده ده ربك شكور وأياك في يوم تبقى أناني . . . ومش هقولها ليك تاني راح في يوم تبقى مكانى . . . دى الحياة حبت ثواني

شارك برأيك وأضف تعليق

Beautiful baby

أحدث التعليقات