Beautiful baby

قارئة البتنجان

قارئة البتنجان

بقلم — الشاعر مصطفى عصام :

ادامك طريق واعر مليان حب ومشاعر وبنت جميلة تجنن من بيت مش طاهر عايزة فلوسك قبل حبك ودهبك قبل قلبك طمعانة فيك يا حزين مهى واخداك بعبلك وصاحب عزيز هيخون متلونلك بألف لون قالك معاك للنهاية و قلبه بالحقد مسكون كان مزاملك للمصلحة ومشغلك عنده مروحة يطري بيها على نفسه واخدها لعب وأنزحة وشغلانة تكسب ملايين وتسد عين التخين وناس تحسدك عليها فخلى بالك يا حزين وزميل منك محتار ونجاحك بيقيد فيه نار وهو بيعاديك مش بيحبك كإن بينكم تار أنا قلبى يعرف يختار ومعاه مش هحتار و حبيبتى دي دنيتى وبنت ناس أبرار فبلاش شؤم ع الفاضى ده ابوها بيا راضى وراجل ابن حلال وبيته من الحرام فاضى وصاحبي اكيد صاينّى ومعاه حاسس كإنى ابو بكر والرسول فأحسنلك ابعدي عني وعمره فيوم ما خان ودايما أصله بيبان فبلاش تقولي كلام ع الفاضى و ع المليان وشغلانتى ممكن أصدقك ما دام الحسد منطقك ويا رب منه يحمينى ومن كلامك عنى بيعدك وزميلى ممكن يغير ما دمت في منصب كبير ودي طبيعة البشر فبلاش كلامك الفارغ والكتير

شارك برأيك وأضف تعليق

Beautiful baby

أحدث التعليقات