جويرية نموذج مشرف من فتيات مصر

كتبت /زينب الجندي
جويرية بنت مصرية اتولدت كفيفة بسبب إصابتها بمرض جيني.. لما كان عندها سنتين وهي لسه طفلة دخلتها والدتها حضانة عادية عشان تندمج وسط الأطفال ومتبقاش بعيدة عن المجتمع التحقت بمؤسسة بصيرة اللي بتدرب الأشخاص المكفوفين على إستغلال مهاراتهم، ولما دخلت المدرسة كانت في مدرسة عادية عشان لما تكبر وتدخل الكلية ميبقاش عندها قلق أو خوف لما تتعامل مع حد مختلف عنها.اتعلمت برايل وهي عندها 4سنين في مؤسسة بصيرة وكمان اتعلمت تستخدم الوسائل التكنولوجية اللي تساعدها على التعلم في المؤسسةقبل جويرية كان طلبة كتير مكفوفين في مصر نجحوا في الدبلومة الأمريكية لكن الدبلومة السويسرية في مصر مفيش سابقة لده..جويرية في حفل تخرجها شكرت كل اللي ساعدوها في رحلتها للتعلم، وشكرت أخوها اللي كان بيخرجها لما بتحس بالضغط من المذاكرة. وبعد تخرجها هتتجه لدراسة الأدب الإنجليزي وكتابة القصص اللي بتحبهاجويرية مثال على النجاح وسط الصعوبات طالما توافر الدعم من الأهل والمؤسسات المعنية .. فخورين بجويرية وإصرارها أنها تكون أول مصرية كفيفة تنال الدبلومة السويسريةنتمنى لها مزيدا من التوفيق والتقدم والنجاح