أدب وشعراء

نفس الخطوة

الشاعر الدليل
الشاعر الدليل

بقلم الشاعر محمد الدليل :

————-
حاول تمسك
كل خيوط الحلم بإيدك
واغزل منها
شمس نهارك
قمرة ليلك
واياك تيأس
يوم من ضعفك
خلى عزيمتك
تصلب عودك
خلى طموحك
يبقى سلاحك
خلى نهارك
حلم نجاحك
شمس تنور
ليك قدامك
واحلم خلى
الحلم يجيلك
خليه يخبط
يوم على بابك
وافتح بابك
لمّا تلاقى
الفرح نادالك
حاول تعزم
كل حبايبك
كل اصحابك
واحمد ربك
إنه وهب لك
قوة تحقق لك
أحلامك
نفس الخطوة
اللى انت مشيتها
والأحلام
اللى اتمنيتها
مليون واحد
عاشوا عشانها
واستنوها كتير
من بعدك
لكن لسه
ما أنش أوانها
يمكن بكرة
ويمكن بعده
ويمكن
لسه سنين قدامها
محمد الدليل

اظهر المزيد
زر الذهاب إلى الأعلى
%d مدونون معجبون بهذه: