الاعلامى أسامة كمال: “السيسي بيشتغل 20 ساعة يوميًا وناس كتير بتقعد على القهوة لـ5 الصبح

بقلم شاذلى محمد منصور :

قال الإعلامى أسامة كمال معقبا على خطاب الرئيس عبدالفتاح السيسي الأخير عندما قال “إنه لو الأمة المصرية مش عايزاه هيمشى، وأنه مش محتاج حد ينزل يوم 25 يناير ولا 26 ولا أى يوم..ليه الرئيس السيسى يفتح موضوعًا أحنا مش شايفين له أثر على الأرض ولا شايفين تحركات ولا تهديدات ولا شايفين حاجة إلا لو كان الرئيس شايف حاجة أحنا مش شايفينها؟”.

وتساءل أسامة مقدم برنامج “القاهرة 360 ” المذاع على شاشة “القاهرة والناس” هل الرئيس السيسى قلقان من مظاهرات فى 25 يناير؟ لأ..هل الرئيس حاسس أن الناس مش عايزاه فعلا؟ أكيد لأ..طب الرئيس قال الكلام ده ليه؟ ليه الرئيس فى اجتماع دينى مهم يقول إنه على استعداد أن ربنا ينزع منه الملك زى ما ربنا آتاه الملك؟”.

كما أوضح أسامة كمال أن ” السيسى شايف إجابة واضحة عن سؤال سألته لنفسى بعد 30 يونيو..سؤال كان هل مصر دولة مطيعة؟ هل مصر النهارده دولة تقول لها يمين يمين..شمال شمال؟ ولا النهارده مصر اللى ما انجرتش للسقوط فى الفخ الأثيوبى والسودانى والعراقى والسورى والليبى والتركى والقطرى وغيرها وغيرها ورفضت تقع بفعل الإخوان وبتتحارب من الإعلام الغربى ومن الإعلام المصرى دولة مطيعة؟”.

ثم تابع ” كلام الرئيس بالنسبة لي لايعكس عدم ثقة فى الاستقرار لكن بيعكس أنه اتفق معانا على حاجات وقت انتخابات وهذه الاشياء لم تنفذ، مضيفًا أننا عندما انتخبنا السيسى قال، إنه بيصحى 5 الصبح وبيشتغل 20 ساعة قلنا له معاك.. صحى هو خمسة الصبح واشتغل 20 ساعة فى الوقت اللى ناس كتير بتقعد ع القهوة لخمسة الصبح وبعدين تدخل تنام”.