شيـــــال الـــهمــــــوم

كتب ممدوح نصر يمانى :
شيـــــال الـــهمــــــوم
يا دنيا ليه زعلانه منى
فى الهم دعيانى وفى الفرح منسى
أمته بقا تتعطفى وتحنى
دنا من الهم بقيت أكبر من سنى
والحظ لو مره جيه غلط بيجرى ويبعد عنى
وقالو عليا شيال الهموم لغيرى ولنفسى
طول عمرى شايل هم الكل
وماحدش شايل همى
يا دنيا حرام عليكى كده أستلطفى ورقى
دا الوقت فى التفكير بيطول
والثوانى ما بتبقاش عايزه تعدى
والحبيب معيشنى فى خصام
ومنسينى كل شىء بما فيهم أسمى
حتى الأهل والأحبه ما فيش حد منهم
خبط على بابى ولا وقت الشده وقف جنبى
يا دنيا أعملى ما بدالك ما بقتش فارقه عندى
ما فيش مره يصعب عليكى حالى
وتضحكى فى وشى
وتظهريلى الناس بوشوشهم الحقيقيه
وتبطلى تخدعى وتغشى
ولا الصحاب الى كلو من عيشى وملحى
ولما أحتجتهم نسيو كل شىء
حتى شكلى وملامحى
يادنيا كفايه كده وسامحى
الناس قسية قلبهم وهان عليكى جرحى
بحلم بدنيا أعيشها فيكى يادنيا
مليانه حب وسعاده ويهمها فرحى
اتمنا يكون كلامى وصل
وأتفهم وصفى وشرحى
هو ده حالك يا دنيا عشان نعيش فيكى
لازم نستحمل ونضحى
كـــلمـــــات الشــــــاعر
ممــدوح نصــــر يمـــا نـــى